Некоторые тропари Господне




свято-владимирский храм в сочи

iraukr

Некоторые тропари Господне:

Тропарь. Индикту (церковное новолетие), глас 4:.

Начало индикта — церковное новолетие * Молитвы.

Благодарни суще недостойнии раби, Твой, Господи, / о Твоих великих благодеяниях на нас бывших, / славящи Тя хвалим благословим, благодарим, поем и величаем Твое благоутробие, / и рабски любовию вопием Ти: / Благодетелю Спасе наш, слава Тебе. Слава: глас 3: Твоих благодеяний и даров туне, / яко раби непотребнии, сподобльшеся, Владыко, / к Тебе усердно притекающе, благодарение по силе приносим, / и Тебе яко Благодетеля и Творца славяще, вопием: / слава Тебе, Боже Прещедрый. И ныне: глас 2: Всея твари Содетелю, / времена и лета во Своей власти положивый, / благослови венец лета благости Твоея, Господи, / сохраняя в мире люди и град Твой / молитвами Богородицы и спаси ны.

Тропарь. Перед началом всякого доброго дела, глас 2:.

Творче и Создателю всяческих, Боже, / дела рук наших к славе Твоей начинаемая, / Твоим благословением спешно исправи, / и нас от всякого зла избави, / яко един всесилен и Человеколюбец.
Тропарь. Кресту Господню, глас 1:.

Спаси, Господи, люди Твоя, / и благослови достояние Твое, / победы православным христианом / на сопротивныя даруя, / и Твое сохраняя Крестом Твоим жительство.

Тропарь. Крещению Руси
, глас 8:.

Благословен еси, Христе Боже наш, / Землю Российскую Крещением просветивый, / людем ея низпослав Духа Святаго, / ихже и ко спасению приведый, / Человеколюбче, слава Тебе.
Тропарь. На освящение воды, глас 6:.

С небесе поcли благодать, Жизнодавче, / и воду сию освяти, / и всем сквернам яви ю быти очищение.

Тропарь. О болящих, глас 4:.

Скорый в заступлении един сый, Христе, / скорое свыше покажи посещение страждущим рабом Твоим, / и избави от недуг и горьких болезней, / и воздвигни во еже пети Тя и славити непрестанно, / молитвами Богородицы, Едине Человеколюбче.
Тропарь. О ненавидящих и обидящих нас, глас 4:.

О распенших Тя моливыйся, любодушне Господи, / и рабом Твоим о вразех молитися повелевый, / ненавидящих и обидящих нас прости, / и от всякого зла и лукавства к добродетельному настави жительству, / смиренно мольбу Тебе приносим, / да в согласном единомыслии славим Тя, / Единаго Человеколюбца.
Тропарь. О путешествующих, глас 2:.

Путь и истина сый, Христе, / спутника Ангела Твоего рабом Твоим ныне, / якоже Товии иногда, / поели сохраняюща, / и невредимых к славе Твоей, от всякого зла / во всяком благополучии соблюдающа, / молитвами Богородицы, Едине Человеколюбче.

Тропарь. О умножении любви, глас 4:.

Союзом любве апостолы Твоя связавый, Христе, / и нас. Твоих верных рабов к Себе тем крепко связав, / творити заповеди Твоя / и друг друга любити нелицемерно сотвори, / молитвами Богородицы, Едине Человеколюбче.
Тропарь. О усопших, глас 2:.

Помяни, Господи, яко благ, рабы Твоя, / и елика в житии согрешиша прости, / никтоже бо без греха, токмо Ты един, /могий и преставленным дати покой.
Тропарь. Перед началом всякого доброго дела, глас 2:.

Творче и Создателю всяческих, Боже, / дела рук наших к славе Твоей начинаемая, / Твоим благословением спешно исправи, / и нас от всякого зла избави, / яко един всесилен и Человеколюбец.
Тропарь. При нападении врагов, глас 4:.

Скоро предвари, прежде даже не поработимся врагом, / хулящим Тя и претящим нам, Христе Боже наш, / погуби Крестом Твоим борющия нас, / да разумеют, како может православных вера, / молитвами Богородицы, Едине Человеколюбче.

Тропарь. Обрезанию Господню, глас 1..

Обрезание Господне и память святителя Василия ВеликогоО празднике Обрезания ГосподняМолитвы.

На Престоле огнезрачнем / в Вышних седяй со Отцем Безначальным и Божественным Твоим Духом. благоволил сей родитися на земли, от Отроковицы Неискусомужныя, Твоея Матере, Иисусе, / сего ради и обрезан был еси, яко Человек осмодневный. / Слава всеблагому Твоему совету, / слава смотрению Твоему, / слава снизхождению Твоему, Едине Человеколюбче.
Величание. Обрезанию Господню.

Обрезание Господне и память святителя Василия ВеликогоО празднике Обрезания ГосподняМолитвы.

Величаем Тя, / Живодавче Христе, и почитаем пречистыя плоти Твоея / законное обрезание.

Тропарь. Положению честной ризы Господа нашего Иисуса Христа, в Москве, глас 4:.

Положение честной ризы Господа нашего Иисуса Христа в МосквеПоложение честной Ризы Господа нашего Иисуса Христа в Москве (1625)Положение ризы Господней в Москве Икона.Молитвы.Храм Ризоположения на ДонскойСвятыни

Днесь притецем, вернии, / к Божественней и цельбоносней ризе Спасителя нашего Бога, / благоизволившаго сию плотию носити и на Кресте святую Свою Кровь излияти, / еюже искупи нас от работы вражия. Тем, благодаряще. вопием Ему : / спаси отечество наше, / и архиереев, и град, и вся люди, / честною Твоею ризою защити / и спаси души наша, / яко Человеколюбец.
Величание. Положению честной ризы Господа нашего Иисуса Христа в Москве.

Положение честной ризы Господа нашего Иисуса Христа в МосквеПоложение честной Ризы Господа нашего Иисуса Христа в Москве (1625)Положение ризы Господней в Москве Икона.Молитвы.Храм Ризоположения на ДонскойСвятыни

Величаем Тя, / Живодавче Христе, / и почитаем вей Божественныя ризы Твоея честное положение.

Тропарь. Благодарственный Спасителю, глас 4:.

Благодарни суще недостойнии раби Твои, Господи, / о Твоих великих благодеяниях на нас бывших, / славяще Тя хвалим, благословим, благодарим, поем и величаем Твое благоутробие, / и рабски любовию вопием Ти: / Благодетелю Спасе наш, слава Тебе.

Тропарь. В прещение труса (об избавлении от землетрясения), глас 2:.

Призираяй на землю, и творяй ю трястися, / избави ны страшнаго труса прещения, Христе Боже наш, / и низпослй нам богатыя милости Твоя, / молитвами Богородицы, и спаси ны.

Тропарь. Во время безведрия, глас 2:.

Призри милостивно. Боже, на люди согрешшия, / и не презри в покаянии к Тебе припадающих, / но яко Благ, помилуй, и вскоре праведнаго Твоего избави прещения, / молитвами Богородицы, Едине Человеколюбче.
Тропарь. Во время бездождия, глас 2:.

Воздуха благорастворение повелением Твоим содеваяй, Господи, / вольный дождь даруй земли, / еже приносити людем Твоим плоды изобильны, / и насыщати всякое животно Твоим благоволением, / молитвами Богородицы и всех святых Твоих.
Тропарь. Всемилостивому Спасу, глас 8:.

С вышних призирая, убогия приемля, / посети нас озлобленныя грехи, Владыко Всемилостиве: / молитвами Богородицы даруй душам нашим велию милость.

Источник

 

Доноры - детям

 

 

Далее предлагаю познакомиться с полезными ссылками на православные сайты:

Аудио Евангелие

Аудио Псалтирь

Аудио Молитвослов

Календарь дня

Молитвослов

Молитвы на разные потребы

Профессор Богословия Осипов А.И.

Православные телепрограммы

Тв — канал «Союз»

Православная библиотека

Иконы в интернете

Православное радио

Православное аудио, рекомендую

Монастыри в интернете

Колокольный звон

Карта Московской епархии

Клуб знакомств для православных

Книжный клуб онлайн — 5000 книг.

Ближайшие престольные праздники


Православная Церковь в интернете

Посты на 2015 год православные

Ерошка — сайт для православных родителей

Ерошка - сайт для православных родителей

Святитель Феофан Затворник. Мысли на каждый день года
Свт. Феофан (Говоров), Затворник Вышенский

(1 Фес. 2, 9-14; Лк. 11, 14-23).
«Когда сильный с оружием охраняет свой дом, тогда в безопасности его имение; когда же сильнейший его нападет на него и победит его, тогда возьмет все оружие его, на которое он надеялся, и разделит похищенное у него».
Это иносказание объясняет, как Господом разоряется власть бесовская над душами. Пока душа в грехе, ею владеет свой дух злой, хоть не всегда явно показывает то.
Он сильнее души, потому и не боится восстания с ее стороны, властвует и тиранствует над нею без сопротивления.
Но когда Господь приходит в душу, привлеченный верою и покаянием, тогда разрывает все узы сатанинские, изгоняет беса и лишает его всякой власти над душею такого.
И пока работает душа та Господу, бесы не могут возобладать над нею, ибо она сильна Господом, сильнее их.
Когда же душа оплошает и отшатнется от Господа, бес опять нападает и одолевает, и бывает ей, бедной, хуже, чем прежде.
Это всеобщий невидимый порядок явлений в духовном мире. Если б у нас открылись умные очи, мы увидели бы всемирную брань духов с душами: побеждает то одна, то другая сторона, смотря по тому, общаются ли души с Господом верою, покаянием и ревнованием о добрых делах или отстают от Него нерадением, беспечностью и охлаждением к добру.

Никнейм iraukr зарегистрирован!



Нажав на нижележащие кнопки, Вы можете поделиться материалами сайта в социальных сетях с Вашими друзьями

 

Вернуться на главную страницу сайта.

Итак во всем, как хотите,
чтобы с вами поступали люди,
так поступайте и вы с ними,
ибо в этом закон и пророки.
Евангелие от Матфея

Надобно всегда терпеть и все, что бы ни случилось, Бога ради, с благодарностью. Наша жизнь — одна минута в сравнении с вечностью; и потому недостойны по Апостолу страсти нынешнего времени к хотящей славе явитися в нас.
Преподобный Серафим Саровский

 

Добавить комментарий

Ваш e-mail не будет опубликован. Обязательные поля помечены *